Kuvendi zyrtarizon kandidaturën e dytë për Kryeprokurorin e përkohshëm

Përfundimi i mandatit të Prokurorit të Përgjithshëm, Adriatik Llalla ka sjellë një sërë kandidaturash për postin e Kryeprokurorit të përkohshëm.

Arta Marku është 41-vjeçarja, e cila mund të zërë këtë post.

Marku është prokurore në Shkodër, ajo ka përfunduar në vitin 1999-të shkollën e lartë në Shkodër, ndërsa Magjistraturën në vitin 2001, dhe ka një eksperiencë prej 15 vitesh si zëvendësprokurore e këtij rrethi.

Gjithashtu, pukiania garon edhe për Këshillin e Lartë të Prokurorisë.

Bashkëshorti i saj punon si Oficer i Policisë Gjyqësore për qarkun Lezhë, Shkodër dhe Kukës.

Gjatë karrierës së saj 15-vjeçare, mësohet se nuk ka hetuar asnjë dosje të rëndësishme.

Të përfolur si kandidatë janë edhe prokurorët Ferdinand Elezi dhe Xhemal Saliaj.

Maxhoranca ka theksuar se gara për postin e Kryeprokurorit të përgjithshëm është e hapur deri të martën në orën 18:00.