Lapaj ‘zbarkon’ mes turmës te Kuvendi, protestuesit e largojnë

Kreu i lëvizjes “Shqipëria Bëhet”, Adriatik Lapaj, është paraqitur para godinës së Kuvendit për t’iu bashkuar protestës së zhvilluar nga qytetarët, por prania e tij nuk është mirëpritur nga pjesëmarrësit.

Sapo është identifikuar në turmë, protestuesit kanë reaguar menjëherë duke i kërkuar të largohet nga tubimi.

Thirrjet kundër tij kanë qenë të drejtpërdrejta dhe të përsëritura, duke krijuar një klimë të tensionuar në zonë.

Pavarësisht përpjekjes për t’u afruar me protestuesit, Lapaj është përballur me refuzim të hapur, ndërsa situata ka mbetur e ndezur për disa minuta, përpara se ai të tërhiqej nga zona.