Largohen Deda dhe Shehu, Gixhari dhe Ramaliu në “Fiks Fare”

Largohen Jul Deda dhe Xhemi Shehu, Olta Gixhari dhe Dorian Ramaliu marrin drejtimin e “Fiks Fare”

Ndryshime në drejtimin e emisionit investigativ “Fiks Fare”. Jul Deda dhe Xhemi Shehu largohen nga roli i prezantuesve, ndërsa drejtimi i programit do t’u besohet Olta Gixharit dhe Dorian Ramaliut.

Dyshja e re pritet të sjellë energji, dinamizëm dhe një frymë të re në ekran. Olta Gixhari dhe Dorian Ramaliu janë dy personalitete të njohura për publikun, me profile dhe karaktere të ndryshme, të cilët marrin përsipër një nga formatet më jetëgjata të televizionit shqiptar.