Lgjshmëria e tarifave, Trump i drejtohet Gjykatës së Lartë

Presidenti amerikan Donald Trump i është drejtuar Gjykatës së Lartë të SHBA-së, duke kërkuar që ajo të rrëzojë një vendim të një gjykate më të ulët, e cila shpalli si të paligjshme një pjesë të tarifave të gjera tregtare të vendosura gjatë mandatit të tij, raporton BBC.

Administrata e tij i kërkon gjyqtarëve të ndërhyjnë urgjentisht për të konfirmuar se presidenti ka të drejtën për të vendosur taksa mbi importet nga vendet e huaja, në kuadër të masave të emergjencës ekonomike.

Javën e kaluar, një trupë e ndarë e Gjykatës së Apelit për Qarkun Federal vendosi me rezultatin 7 pro dhe 4 kundër se tarifat e vendosura nga Trump nëpërmjet një ligji për kompetencat ekonomike emergjente nuk përputheshin me autoritetin presidencial. Sipas vendimit, vendosja e taksave është “një kompetencë thelbësore e Kongresit”.

Ky rast mund të ketë pasoja të mëdha për axhendën ekonomike dhe të politikës së jashtme të Trump, duke rrezikuar gjithashtu që Shtetet e Bashkuara të detyrohen të rimbursojnë miliarda dollarë nga tarifat e mbledhura gjatë kohës së tij në detyrë.