“Jam fshatar e dua Luan Xhegun, ti upsi-dupsi”

Deputeti i PD-së, Saimir Korreshi, nuk i ka kursyer batutat dhe ironitë në drejtim të qeverisë gjatë diskutimeve në Komisionin e Ligjeve, teksa foli për koncertin e Kanye West, për të cilin u akorduan 4.3 milionë euro nga fondet publike.

Korreshi iu drejtua me humor edhe ministrit të Drejtësisë, Ulsi Manja, duke e pyetur nëse anëtarëve të opozitës u ishin siguruar bileta për koncertin apo ato ishin vetëm për mazhorancën.

Deputeti demokrat ngriti gjithashtu pyetje se ku kanë përfunduar biletat e aktivitetit dhe si janë ndarë ato, ndërsa vijoi me batuta duke krahasuar preferencat muzikore të tij me ato të kolegëve në qeveri.

BATUTAT NË KOMISION

Saimir Korreshi:
“Pse në nuk na ka lënë partia? Ne nuk na la partia, na i grisi biletat. Po kjo ministria ka sjell ca bileta për ne? Apo ishin vetëm për PS?! Me the ti që nuk ju la partia.”

Ulsi Manja:
“Qejf e ke pasur të shkojë në koncert, thuaja ehe këtë.”

Saimir Korreshi:
“Tani ky ishte kaq i mirë sa e njoha tani që do merrte 4.3 mln euro. Fshatar jam. Unë jam te Luan Zhegu ende. Ti je modern, kërceve upsi-dupsi. Ne duam def.

Si u ndanë këto para? U hap porta, deti, si në 2 korrik. Ku shkuan këto bileta? Nuk e qëllojmë dot.

Atje nga Lushnja duam 2 mln lekë të vjetra, këndon gjithë Myzeqeja. Ça e quajnë atë këngëtarin? Kanye West.”

Debati i shkurtër mes deputetit të opozitës dhe ministrit erdhi në kuadër të diskutimeve për vendimet financiare të qeverisë, ndërsa pagesa prej 4.3 milionë eurosh për koncertin e Kanye West ka shkaktuar më herët edhe reagime politike dhe publike.