Mediat ndërkombëtare jehonë protestës pro UÇK në Tiranë

Më 17 tetor 2025, mijëra veteranë të Luftës së Kosovës dhe mbështetës të tyre nga mbarë trojet shqiptare u mblodhën paqësisht në Sheshin Skënderbej në Tiranë për të protestuar kundër Gjykatës Speciale të Kosovës, një institucion i mbështetur nga Bashkimi Evropian, që merret me ndjekjen penale të disa prej ish-pjesëtarëve të Ushtrisë Çlirimtare të Kosovës (UÇK).

Protestuesit shprehën pakënaqësinë dhe shqetësimin e tyre për mënyrën se si po trajtohen luftëtarët e lirisë, duke e konsideruar këtë gjykatë si të padrejtë dhe të njëanshme ndaj luftës çlirimtare të Kosovës. Ata theksuan se UÇK-ja ka luftuar për liri dhe dinjitet, dhe jo për krime, duke kërkuar që drejtësia të jetë e barabartë dhe jo selektive.

Ky zhvillim ka tërhequr vëmendje të gjerë në mediat ndërkombëtare, duke reflektuar rëndësinë që kjo çështje vazhdon të ketë për opinionin publik, jo vetëm në rajon, por edhe në arenën globale.

Associated Press, The Washington Post dhe The Telegraph shkruajnë se mijëra persona protestuan në kryeqytetin shqiptar kundër gjykatës së mbështetur nga BE që ndjek veteranët e luftës në Kosovë.