MEPJ kujtohet më në fund për shqiptarët në Iran: Ja çfarë duhet të bëni

Ministria për Evropën dhe Punët e Jashtme ka reaguar përmes një komunikate zyrtare këtë 4 mars, duke dhënë një njoftim të rëndësishëm për qytetarët shqiptarë që ndodhen në Iran dhe planifikojnë të udhëtojnë drejt Shqipërisë përmes Turkey apo pikave kufitare turke.

Në njoftim theksohet se të gjithë shtetasit shqiptarë, rezidentë apo vizitorë në Iran, duhet të vendosen menjëherë në komunikim me Ambasada e Republikës së Shqipërisë në Ankara përpara nisjes së udhëtimit.

Sipas ministrisë, komunikimi paraprak me ambasadën është thelbësor për të garantuar asistencën konsullore dhe për të mundësuar koordinimin me autoritetet përkatëse turke, në përputhje me udhëzimet e tyre zyrtare.

Autoritetet shqiptare bëjnë me dije se janë duke ndjekur me vëmendje zhvillimet në vendet e prekura nga konflikti i fundit dhe do të informojnë qytetarët për çdo përditësim apo problematikë që mund të ndikojë në lëvizjen dhe sigurinë e tyre.

Për çdo nevojë emergjente apo informacion shtesë, qytetarët mund të kontaktojnë Ambasadën e RSH-së në Ankara në numrat:

+90 (534) 080 37 65
+90 (549) 561 19 85

Si dhe në adresën elektronike: [email protected]