Misteri i zhdukjes së biznesmenit 52-vjeçar, Gentian Keta

prej muajsh pa asnjë gjurmë

Familja apelon për ndihmë, motra i drejtohet Prokurorisë: Kush e ka parë, të na kontaktojë

Mister vijon të mbetet zhdukja e 52-vjeçarit Gentian Keta, për të cilin familjarët deklarojnë se prej disa muajsh nuk kanë asnjë informacion të saktë mbi vendndodhjen e tij.

Familja e 52-vjeçarit ka ngritur alarmin dhe kërkon ndihmën e qytetarëve, me shpresën se dikush mund ta ketë parë apo të disponojë informacion që mund të ndihmojë në gjetjen e tij.

Motra e Gentianit, Lindita, ka bërë publik shqetësimin e familjes, ndërsa thotë se rasti është referuar pranë institucioneve përkatëse. Sipas saj, familjarët i janë drejtuar edhe Prokurorisë me një kërkesë zyrtare, në pritje të veprimeve për zbardhjen e zhdukjes së 52-vjeçarit.

Një nga të paktat të dhëna që familja disponon lidhet me dëshminë e një personi të njohur, i cili pretendon se e ka parë Gentian Ketën në zonën e Rrugës së Panorama në Tiranë, gjatë muajve nëntor-dhjetor 2025.

Megjithatë, që prej asaj kohe nuk ka të dhëna të tjera konkrete për lëvizjet apo vendndodhjen e tij.

“Ky është Gentiani, vëllai im. Nuk kemi informacion të saktë se ku ndodhet. Një i afërm më tha që e ka parë në Tiranë. Kush të ketë informacion, të na lajmërojë. Uroj që edhe Prokuroria, me këtë publikim, të vihet në lëvizje”, shkruan motra e 52-vjeçarit në apelin e saj.

Zhdukja prej disa muajsh dhe mungesa e informacioneve kanë shtuar shqetësimin e familjarëve, të cilët kërkojnë që autoritetet të intensifikojnë veprimet për lokalizimin e Gentian Ketës dhe zbardhjen e rrethanave të rastit.

Familja u bën thirrje të gjithë qytetarëve që mund ta kenë parë 52-vjeçarin apo që disponojnë informacion të vlefshëm për vendndodhjen e tij, të kontaktojnë familjarët ose autoritetet përkatëse.

Numri i kontaktit i vendosur në dispozicion nga familja është: +355 69 460 3056.

Çdo informacion, sado i parëndësishëm të duket, mund të ndihmojë në zbardhjen e misterit të zhdukjes së Gentian Ke