“Mos e kruaj shume”

Ish-kryetarja e LSI dhe ish-deputetja Monika Kryemadhi është paraqitur sot në Gjykatën e Posaçme dhe SPAK, ku po zhvillohet procesi ndaj saj dhe ish-bashkëshortit Ilir Meta, për çështjen e lobimit të ish-LSI në Shtetet e Bashkuara.

Teksa hynte në ambientet e SPAK-GJKKO, Kryemadhi u përshëndet me gazetarë dhe figura publike që prisnin jashtë, duke shkëmbyer batuta dhe humor. Mes tyre ishte edhe aktori Julian Deda, i cili pati një bisedë gazmore me Kryemadhin para se ajo të hynte brenda.

Deda i tha Kryemadhit se po e priste atë para Gjykatës dhe se mendonte se arsyeja lidhej me Ilir Metën, gjë që shkaktoi të dy të qeshura. Monika Kryemadhi e paralajmëroi aktorin me humor, duke i thënë: “të mos e kruaj shumë”, ndërsa më pas vazhdoi me shaka të tjera.

Dialogu i tyre i plotë:

Monika Kryemadhi: Ku e ke napolonin, tak-tak-tak…

Jul Deda: Ty po të prisja… Monika…

Monika Kryemadhi: Po ti c’ne?

Jul Deda: Më thirrën dhe mua, por se di pse… Për Ilirin… (qeshin)

Monika Kryemadhi: Dëgjo, vetëm shumë mos e kruaj se…

Jul Deda: Jo nuk thash gjë… hiç, hiç.

Monika Kryemadhi: Unë do bëj ndërtim pa leje këtu (në SPAK), do marrë zyrë!