Nën hetim për pastrim parash, Igli Tare paraqitet në SPAK

Dosja “Balluku”/ Nën hetim për pastrim parash, Igli Tare paraqitet në SPAK

Ish-futbollisti i Kombëtares shqiptare, Igli Tare, është paraqitur këtë të hënë në Prokurorinë e Posaçme (SPAK), në kuadër të hetimeve që lidhen me dosjen e ish-zëvendëskryeministres Belinda Balluku.

Tare është nën hetim nga prokurorët e posaçëm për “pastrim parash”. Sipas SPAK ish.zv-kryeministrja Belinda Balluku, fshehu vilën e saj në Dhërmi, në emër të Igli Tares.

Paraqitja e ish-futbollistit në SPAK vjen pas marrjes në pyetje më herët të vëllait të tij, Agron Tares, i cili është thirrur nga prokurorët e posaçëm në kuadër të të njëjtit hetim.

Hetimet janë pjesë e dosjes që lidhet me Belinda Ballukun, ish-zëvendëskryeministre dhe ish-ministre e Infrastrukturës dhe Energjisë, ku prokurorët po hetojnë veprime dhe marrëdhënie financiare të disa personave të përfshirë në çështje.