Përfshihet nga flakët banesa në Korçë

Një apartament në lagjen nr. 10 të qytetit të Korçë është përfshirë nga flakët në orët e para të mëngjesit, duke shkaktuar panik te banorët e zonës. Sipas të dhënave paraprake, zjarri dyshohet të ketë nisur nga një defekt elektrik në kondicioner, prej nga më pas është përhapur me shpejtësi në të gjithë ambientin e banesës.

Në vendngjarje kanë ndërhyrë menjëherë dy mjete të shërbimit zjarrfikës, të cilat kanë bërë të mundur vënien nën kontroll dhe shuarjen e flakëve brenda një kohe të shkurtër. Si pasojë, janë regjistruar dëme materiale në banesë, ndërsa fatmirësisht familjarët kanë arritur të largohen në kohë, pa pësuar dëmtime fizike.

Forcat e policisë ndodhen ende në vendngjarje dhe po kryejnë veprimet procedurale për të sqaruar plotësisht shkaqet e zjarrit. Sipas autoriteteve, situata është stabilizuar dhe nuk paraqet rrezik për banesat përreth.