Plas debati i fortë, korrupsioni fut në sherr Manjanin dhe Qorin

Juristi Ylli Manjani komentoi situatën politike në vend, duke pasur një përplasje të drejtpërdrejtë me kryetarin e “Lëvizja Bashkë”, Arlind Qori.

Debati u ndez kur Qori përdori shprehje që lidhen me korrupsionin, duke e vendosur Manjanin në qendër të diskutimit.

Juristi u shpreh:
“Sa i takon fjalës korrupsion dhe hajdut, zotëria t’i marrë fjalët mbrapsht. Ky është një mendim politik, social, njerëzor dhe qytetar. Kjo nuk do të thotë që quhem i korruptuar. Unë nuk jam te bota e votave, zotërinë e kuptoj që është te bota e votave dhe i uroj sukses. Por të lutem shumë, fjalët kurseji. Te partia jote bëj çfarë të duash.”

Nga ana e tij, Qori theksoi përgjegjësinë publike:

“Jemi në sferën publike dhe secili është përgjegjës për fjalët e veta. Secili thotë të vërtetën pa e mbyllur gojën. Kur thashë se ‘ata që thonë se populli është i korruptuar, ose kanë vjedhur vetë, ose duan të vjedhin vetë’, e kisha parasysh në përgjithësi.”

Manjani iu përgjigj ashpër:

“Nëse e ke me mua, e ke kopil. Nëse e ke një analizë më të tërën, vazhdo më të tërën.”

Përplasja mes tyre ngriti tensionin në studion e emisionit Now dhe pasqyroi debatet e ashpra mbi akuzat për korrupsion dhe përgjegjësinë politike në Shqipëri.