Protestë edhe në Lezhë, disa gjimnazistë bojkotojnë mësimin

Protesta e të rinjve kundër qeverisë po shtrihet edhe jashtë kryeqytetit. Disa gjimnazistë në Lezhë kanë bojkotuar mësimin këtë të premte, duke lënë klasat dhe duke iu bashkuar lëvizjes së protestave që ka përfshirë vendin.

Nxënësit janë mbledhur në shenjë solidariteti me protestën e studentëve në Tiranë, ndërsa deri më tani tubimi në qytetin e Lezhës po zhvillohet i qetë. Nuk raportohen incidente apo përplasje gjatë grumbullimit të të rinjve.

Mbetet për t’u parë nëse gjatë orëve në vijim protestës do t’i bashkohen edhe nxënës të tjerë, në një kohë kur pakënaqësia e të rinjve po shfaqet në disa qytete të vendit.