Rama në Asamble: Ja ç’na detyroi të largohemi nga aleatët

Edi Rama ka marrë fjalën sot në Asamblenë e PS duke shpjeguar që në krye se cila qe arsyeja që PS-ja e braktisi aleaten e saj, LSI-në, në zgjedhjet e fundit.

Urgjenca e ndryshimit na mundësoi ne privilegjin e qeverisjes të vetëm në 4 vitet e ardhshme.

“Urgjenca e ndryshimit na detyroi të largohemi prerë nga aleatët dhe u mishërua në flamurin kuq e zi të ndryshimit.

Njerëzit e zakonshëm e bënë, ata e fituan betejën zgjedhore për ne.

Tani është radha jonë për të bërë Shqipërinë që duam, punë, mirëqënies, për ata. Ky ëhstë mandati më i vështirë dhe që kur unë jam në këtë detyrë.

Për t’ia dalë këtij mandati, duhet që fuqinë tonë numerike në parlament të mos e shkëpusim nga fuqia politike. Duhet ta rrisim fuqinë numerike dhe politike dhe t’i japim jetë, vendim pas vendimi, një force të re qeverisëse.

PS është e do të jetë këtu por qëndra e gravitetit e kësaj force të re, që do ta modernizojë fuqizimin e qeverisjes dhe të vetë politikës nëse ne e marrim me gjithë zemër, krijimin e saj.

Jemi në fillesën e një projekti të ri politik bashkim njerëzish nga të gjitha stresat për të mundësuar këtë stad të ri për të qeverisur realisht me njerëzit me fuqinë e urgjencës së ndryshimit. Aleatët me një dorë në timon dhe një në tepsi u larguan.”