Rama “sulmon” prokurorët: Presin fletëarreste në tufa….

Në takimin e zgjeruar të grupit parlamentar socialist, Kryeministri Edi Rama deklaroi se integrimi europian i vendit është tashmë një proces i pakthyeshëm, duke theksuar se “Shqipëria në BE është histori”.

Në fjalën e tij, Rama u shpreh se momenti aktual paraqet një mundësi historike për vendin, duke e cilësuar rrugën drejt Bashkimit Europian si rezultat të një bashkimi faktorësh politikë dhe gjeopolitikë. Sipas tij, Shqipëria ndodhet përballë një etape vendimtare, ku “historia është në duart tona dhe duhet shkruar me mendjen dhe forcën tonë”.

Paralelisht me mesazhin për integrimin, kreu i qeverisë artikuloi kritika të drejtpërdrejta ndaj disa prokurorëve. Ai deklaroi se ka nisur “një lëvizje sportive prokurorësh”, duke aluduar për një rritje të ndjeshme të fletë-arresteve, të cilat – sipas tij – në disa raste lidhen me çështje që nuk përbëjnë vepra penale ose që, në praktika ndërkombëtare, hetohen në gjendje të lirë.

Rama përmendi si shembull një rast në Durrës, duke ironizuar se “vetëm prokurori ngeli pa i prerë vetes fletë-arrest”, ndërsa paraqitjet në prokurori, sipas tij, “i ngjanin biletave të teatrit”.

Deklaratat e Kryeministrit vijnë në një moment kur institucioni i Struktura e Posaçme kundër Korrupsionit dhe Krimit të Organizuar ndodhet në fokus të debatit publik për intensitetin e hetimeve dhe përdorimin e masave të si