Karta SHBA për të larë mëkatet e PPP-ve

Kryeministri Edi Rama njofton me entuziazëm një park me erë 600 MW në Tropojë, duke theksuar një detaj:
“kompani amerikane”.

Por pyetja është e thjeshtë:
pse tani?

Sepse për vite me radhë, një nga kritikat më konstante ndaj qeverisë Rama ka ardhur pikërisht nga American Chamber of Commerce in Albania:
kompanitë amerikane nuk kanë mundur të garojnë realisht në projektet publike shqiptare.

Jo për mungesë interesi.
Por për shkak të tenderëve të mbyllur, PPP-ve pa garë dhe fituesve të paracaktuar.

Sot, një investim i vetëm shitet si provë partneriteti strategjik.
Por një projekt nuk ndryshon një sistem.

Nëse rregullat nuk hapen,
nëse PPP-të mbeten të qepura,
nëse “investitori strategjik” vazhdon të jetë derë anësore…

atëherë kjo nuk është reformë.
Është blerje kohe me flamur amerikan.

SHBA nuk matin partneritetin me postime në Facebook.
E matin me konkurrencë reale, shtet ligjor dhe rregulla të barabarta.