Shehaj nga Fieri ndez ‘motorët’ për zgjedhjet lokale

Partia Mundësia ka zhvilluar takimin e parë organizativ në Fier, në kuadër të përgatitjeve për zgjedhjet e ardhshme vendore dhe përfaqësimin në Këshillat Bashkiakë.

Gjatë takimit me grupin e punës, kryetari i partisë, Agron Shehaj, e cilësoi këtë hap si nisjen e një angazhimi të gjatë dhe sfidues, duke theksuar se objektivi kryesor mbetet përfaqësimi dinjitoz i qytetarëve.

Sipas tij, Partia Mundësia synon të paraqesë kandidatë që njohin realitetin e përditshëm të komunitetit dhe janë të gatshëm të adresojnë problemet konkrete të qytetarëve të Fierit.

“Na pret shumë punë dhe nuk do të jetë e lehtë, por kemi vendosmërinë dhe bindjen se qytetarët e Fierit meritojnë përfaqësues që flasin për hallet e tyre dhe kërkojnë zgjidhje reale. Ky është misioni ynë dhe besojmë se do t’ia dalim”, u shpreh Shehaj.

Ai u bëri gjithashtu thirrje të hapur qytetarëve që të bëhen pjesë e kësaj nisme, duke ftuar veçanërisht njerëzit e ndershëm dhe punëtorë të kontribuojnë në këtë proces.