SHERRI NË PD, NDËRHYN BASHA DHE JEP MESAZHIN PËR TË GJITHË MBËSHTETËSIT DHE KUNDËRSHTARËT

Sherri në PD, ndërhyn Basha dhe jep mesazhin për të gjithë mbështetësit dhe kundërshtarët
Mbledhja e kryesisë së Partisë Demokratike që ka filluar që prej 3 orësh është duke zhvilluar nën një klimë të tensionuar.

Pas sherrit që shpërtheu mes ish-ministrit Jemin Gjana dhe sekretares së PD, Valbona Mezini, ka ndërhyrë kreu i PD-së, Lulzim Basha duke dhënë një mesazh për të gjithë mbështetësit por edhe kundërshtarët e tij në parti.
Mësohet se Basha ka thënë në këtë mbledhje se jemi për t’u bashkuar dhe forcuar PD-në dhe jo për përçarje, duke shtuar se sulmet ndaj njëri-tjetrit veçse forcojnë Ramën. Kreu i PD mësohet të ketë thënë se ndryshimet statutuore nevojiten për reforminin e partisë.

Basha ka kërkuar që të bëhet analizë e thellë dhe se qëllimi i saj të jetë bashkimi i demokratëve. Bëhet me dije se kreu i demokratëve ka kërkuar nga anëtarët e kryesisë që të zbulohet deri në detaje skema e shit-blerjes së votave në zgjedhje.