Shtyhet seanca për dosjen e “Sterilizimit”

Seanca për çështjen e “Sterilizimit” është shtyrë për në datën 25 qershor, ora 13:00.

Në këtë seancë, pritej të jepej pretenca për të pandehurit Klodian Rrjepaj, Ilir Rrapaj, Matilda Serjani, Samir Kadiu, Petraq Mersini, Arben Gjata, Genci Byrazeri, Naile Ajazi.

Shkak i shtyrjes së kësaj seance, u bë mungesa e disa prej të pandehurve, por dhe e avokatëve.

Sakaq, në këtë çështje është përfshirë dhe ish-ministri i Shëndetësisë, Ilir Beqaj. Për këtë të fundit, më 28 maj, Gjykata Kundër Korrupsionit dhe Krimit të Organizuar, vendosi që ai të gjykohet veçmas me procedurë të zakonshme.

Nga ana tjetër, GJKKO-ja, më 28 maj, i ka rrëzuar kërkesën e Klodian Rrjepaj dhe Ilir Rrapaj për shpalljen e moskompetencës dhe dërgimin e saj në një gjykatë tjetër, për shkak se kjo çështje është kompetencë e SPAK-ut.

Ish-ministri Beqaj, por dhe të pandehurit e tjerë akuzohen për disa vepra penale, si korrupsion, shkelje të barazisë në tendera, mashtrim, mos deklarim dhe fshehje të pasurisë.