Përditësuar më 28 November 2025, 16:13

Vladimiri nga Tepelena në luftë për jetën e tij

Në redaksinë e Publik.al ka mbërritur një denoncim shqetësues nga qyteti i Tepelenës. Sipas qytetarit, vëllai i tij, V Sh, është transportuar me urgjencë nga Gjirokastra në spitalin e Tiranës për një ndërhyrje të domosdoshme mjekësore, për shkak të bllokimit të rrugëve biliare.

Megjithatë, familjarët kanë deklaruar se në urgjencën e kryeqytetit iu është thënë se për shkak të ditëve festive nuk ka mjekë në dispozicion, dhe ndërhyrja mund të bëhet vetëm të martën. Denoncuesi shprehet se gjendja e pacientit është shumë e rëndë dhe se koha nuk mund të pritet.

Familjarët kanë shprehur shqetësim të madh për mungesën e kujdesit të menjëhershëm dhe kanë kërkuar nga autoritetet shëndetësore të ndërhyjnë urgjentisht, duke paralajmëruar se çdo vonesë mund të jetë fatale.

Pacienti aktualisht ndodhet në Onkologjikun e Tiranës, i shoqëruar nga bashkëshortja, e cila tregon frikën se nuk do të marrë shërbimin e nevojshëm për shkak të mungesës së stafit.( Sqarim) Pas publikimit të denoncimit disa familjar te trembur kerkuan të fshihet lajmi. Ne respektu privacine duke shenuar vetem inicialet)