SPAK refuzon kërkesën e Këshillit Bashkiak për Erion Veliajn

Prokuroria e Posaçme kundër Korrupsionit dhe Krimit të Organizuar (SPAK) ka refuzuar kërkesën e Këshillit Bashkiak të Tiranës për pjesëmarrjen e kryebashkiakut Erion Veliaj në mbledhjen e parashikuar për 29 shtator.

Kërkesa ishte paraqitur me synimin për t’i krijuar mundësinë Veliajt që të ishte i pranishëm në mbledhjen e sotme të Këshillit Bashkiak. Megjithatë, SPAK nuk e ka miratuar kërkesën, duke e lidhur vendimin me masat e sigurisë që janë në fuqi ndaj kryetarit të Bashkisë së Tiranës.

Erion Veliaj ndodhet në paraburgim që prej shkurtit të vitit 2025, në kuadër të procedimeve penale ndaj tij.

Pas vendimit të SPAK, Veliaj nuk do të jetë i pranishëm fizikisht në mbledhjen e Këshillit Bashkiak të Tiranës të 29 shtatorit.