Sulmohet me shkopinj dhe tulla Credins Bank në qendër të Tiranës

Credins Bank është sulmuar gjatë protestës në qendër të Tiranës, në një tjetër episod të tensioneve që kanë shoqëruar tubimin në kryeqytet.

Sipas informacioneve paraprake, në drejtim të hyrjes dhe fasadës prej xhami të bankës janë hedhur tulla, ndërsa disa persona kanë përdorur shkopinj për të goditur ambientet e institucionit financiar.

Ngjarje të reja gjatë protestës në Tiranë

Ngjarja regjistrohet në një ditë kur protesta në Tiranë është shoqëruar me përplasje mes protestuesve dhe policisë. Gjatë kësaj dite janë shkaktuar gjithashtu dëmtime të shumta të pronës publike dhe private.

Deri më tani, nuk ka të dhëna të plota mbi shkallën e dëmeve të shkaktuara në ambientet e Credins Bank apo mbi persona të shoqëruar në lidhje me këtë incident.