Tmerr në Kosovë, babai vret me armë zjarri të birin 29-vjeçar

Një ngjarje e rëndë është regjistruar mbrëmjen e djeshme në fshatin Pogragjë, në komunën e Gjilanit në Kosovë, ku një 29-vjeçar ka humbur jetën pasi është qëlluar me armë zjarri.

Sipas raportimeve të mediave vendase, për vrasjen dyshohet babai i viktimës, i cili raportohet se është një person i njohur më herët për Policinë e Kosovës.

Zëdhënësi i Policisë së Kosovës për rajonin e Gjilanit, Valon Osmani, ka bërë të ditur se i dyshuari është shpallur në kërkim nga autoritetet.

29-vjeçari ka ndërruar jetë në vendngjarje, menjëherë pas të shtënave me armë zjarri.

Ndërkohë, grupi hetimor po punon për të zbardhur rrethanat e plota të ngjarjes së rëndë. Autoritetet vijojnë kërkimet për kapjen e të dyshuarit.