Tmerr në Vaun e Dejës, burri godet me sqepar bashkëshorten 55-vjeçare

Një ngjarje e rëndë është raportuar në Vaun e Dejës, ku një burrë dyshohet se ka goditur me sqepar bashkëshorten e tij, 55 vjeçe, duke e lënë me dëmtime të rënda trupore.

E plagosura është transportuar me urgjencë drejt spitalit të Shkodrës, ku po merr ndihmën e nevojshme mjekësore. Sipas të dhënave paraprake, gjendja e saj shëndetësore paraqitet e rëndë.

Pas ngjarjes, shërbimet e Policisë së Shkodrës kanë ndërhyrë dhe kanë arrestuar bashkëshortin e saj, i cili dyshohet se është autor i sulmit.

Deri më tani, motivet që çuan në këtë ngjarje nuk janë bërë të ditura. Ndërkohë, policia po vijon hetimet për të sqaruar rrethanat dhe për të dokumentuar plotësisht rastin.