TRAGJIKE! Merr flakë banesa në Elbasan, humb jetën një person

Një ngjarje tragjike është shënuar pasditen e sotme në fshatin Vidhas të Elbasanit, ku një shtëpi banimi është përfshirë nga flakët, duke i marrë jetën një të moshuari.

Sipas informacioneve paraprake, zjarri ka rënë rreth orës 15:45. I moshuari, i cili ndodhej brenda banesës në momentin e shpërthimit të flakëve, ka humbur jetën si pasojë e asfiksimit nga tymi.

Menjëherë pas njoftimit, në vendngjarje kanë mbërritur shërbimet zjarrfikëse dhe ambulanca me stafin mjekësor. Ekipet ndërhynë për shuarjen e zjarrit dhe dhënien e ndihmës së parë, por për të moshuarin ka qenë tepër vonë.

Aktualisht nuk dihen ende shkaqet që çuan në rënien e zjarrit. Autoritetet përkatëse kanë nisur hetimet për të përcaktuar rrethanat dhe origjinën e flakëve.