U kap ‘i papërgatitur’, Berisha në pazar për emrin e kandidatit

Mënyra se si opozita, më saktë PD, si partia më e madhe opozitare që po drejton procesin e negociatave, më shumë duket si një pazar. Qëllimi duket të jetë: cili do të jetë emri që do të dalë si kandidat, ndoshta vetëm i mbështetur nga ato subjekte që bënë pjesë në atë që, në zgjedhjet parlamentare të 11 majit, u pagëzua me emrin “Aleanca për Shqipërinë Madhështore”.

Tirana do të shkojë drejt zgjedhjeve të pjesshme të parakohshme, pasi brenda vetëm 48 orësh, Edi Rama, në role të dyfishta si Kryeministër dhe kreu i PS-së, përfundoi procedurat e shkarkimit të Erion Veliajt si Kryebashkiak. Kur këshilltarët socialistë, demokratë dhe disa aleatë bashkuan votat në Këshillin Bashkiak të Tiranës për shkarkimin, ishte vetë Rama ai që në mbledhjen e Qeverisë miratoi vendimin dhe e shpalli zyrtarisht në Fletoren Zyrtare.

Kështu, Babloku mbylli me shpejtësi këtë proces, të njoftuar që më 11 shtator, gjatë prezantimit të kabinetit të ri dhe të Ogerta Manastirliut si kandidate e PS-së për Bashkinë e Tiranës, shkruan Pamfleti. Rama urdhëroi që të nisë procedura për shkarkimin e Veliajt, ndërkohë që zyrtarizoi Manastirliun si kandidate, duke lënë pak vend dyshimi: ai e çoi deri në fund largimin e kryebashkiakut të zgjedhur në 2023-in me mbi 60 mijë vota më shumë sesa Belind Këlliçi.

Vendimi i Ramës “kapi të papërgatitur” Sali Berishën, kreun e PD-së, i cili edhe dy javë pas publikimit të kandidaturës së Manastirliut nuk arriti të përcaktojë një emër që të rivalizojë. Kjo nuk është për t’u habitur, pasi në deklarata publike demokratët thoshin se ishin përgatitur për zgjedhje të pjesshme, por realisht Berisha nuk kishte gati një emër. Ndoshta kishte menduar për disa, por që gjatë rrugës “dezertuan”.

Ilir Alimehmeti dhe Jorida Tabaku ishin dy emra që u përfolën prej opozitës si kandidatë, por të dy refuzuan të futen në garë, ndoshta për shkak se mandati i kryebashkiakut që do të zëvendësonte Veliajn nuk do të zgjasë më shumë se 18 muaj, deri në zgjedhjet lokale të pranverës 2027.

Pas këtyre refuzimeve, pati një morri emrash që ofroheshin vetë si kandidatë. Por sipas Pamfleti, në negociatat që zhvillohen për zgjedhjen e kandidatit opozitar, nuk është vendosur në thelb çështja ideologjike apo përfaqësuese, por çështja e kompromisit e pazarit politik.

Berisha në disa dalje publike përsëriti se opozita do të marrë pjesë në zgjedhje, megjithëse paralajmëroi se procesi do të ishte një farsë. Ai njoftoi nisjen e negociatave me aleatët dhe ngriti një grup pune me Flamur Nokën, Belind Këlliçin dhe Ilir Alimehmetin.

Grupi Lëvizja Bashkë i Arlind Qorit ishte ndër të parat që refuzuan publikisht të bashkëpunojnë me PD-në e Berishës, ndërsa Shqipëria Bëhet’, Adriatik Lapaj e “Nisma Thurje” e Endri Shabanit shihen si aleatë të mundshëm për të propozuar një kandidat të përbashkët ndër opozitë.

Negociatat duket se janë kryesisht parimore, edhe pse koha është shumë e limituar — zgjedhjet janë pritur të mbahen midis 15 tetorit dhe 15 nëntorit, dhe pritet një dekret i Presidentit për caktimin e datës së zgjedhjeve, pasi vakanca klamohet nga Këshilli i Ministrave.

Kjo skemë nuk përfaqëson proces demokratik të zgjedhjes së kandidatit, por një pazar politik që synon të ndajë riskun nëse rezultati dështon. Nëse opozita dështon të propozojë një emër aprop – do të jetë vetëm një tjetër raund i një loje të stërkohësohët humbjeje.