U përplas nga “Benz-i”, humb jetën i riu 18-vjeçar

Një aksident tragjik është shënuar mbrëmjen e sotme në aksin rrugor Korçë-Pogradec, pranë fshatit Bulgarec, ku një 18-vjeçar ka humbur jetën.

Ngjarja ka ndodhur rreth orës 19:45. Sipas informacionit paraprak të Policisë, një automjet tip “Benz”, me drejtues shtetasin me iniciale L. S., ka përplasur këmbësorin F. M., rreth 18 vjeç.

I riu është transportuar për ndihmë mjekësore në spital, por për shkak të plagëve të marra nga përplasja nuk ka mundur të mbijetojë.

Pas aksidentit, drejtuesi i automjetit është shoqëruar në Komisariat, ndërsa materialet procedurale i janë dërguar Prokurorisë pranë Gjykatës së Shkallës së Parë Korçë për veprime të mëtejshme.

Grupi hetimor po punon për të përcaktuar rrethanat dhe shkaqet e aksidentit.