Presidentja e Komisionit Evropian, Ursula von der Leyen, ka pasur një bisedë telefonike me Presidentin amerikan, Donald Trump, ku ka kërkuar më shumë kohë, deri më 9 korrik, për të arritur një marrëveshje tregtare të favorshme.
Në një postim në rrjetet sociale, von der Leyen theksoi se komunikimi mes Bashkimit Evropian dhe Shteteve të Bashkuara ishte “i mirë” dhe se ky ishte një hap pozitiv në drejtim të përmirësimit të marrëdhënieve tregtare.
“Bashkimi Evropian dhe Shtetet e Bashkuara ndajnë marrëdhënien tregtare më të rëndësishme dhe më të ngushtë në botë. Evropa është e gatshme të përshpejtojë bisedimet shpejt dhe me vendosmëri,”shkruante ajo, duke shtuar se për të arritur një marrëveshje të mirë, “do të na duhet më shumë kohë deri më 9 korrik”.
Ky komunikim vjen pas njoftimit të Presidentit Trump, i cili kishte paralajmëruar më herët se do të vendosë tarifa të reja 50% për mallrat e Bashkimit Evropian duke nisur nga 1 qershori, duke theksuar se negociatat me udhëheqësit e BE-së kanë dështuar.
Trump e quajti të papranueshëm deficitin tregtar vjetor prej 250 milion dollarësh dhe bëri të qartë se nuk do të ketë tarifa shtesë për produktet që prodhohen në Shtetet e Bashkuara.
