Veliaj kërkoi të shfaqet në Këshill Bashkiak? Reagimi nga SPAK

Prokuroria e Posaçme kundër Korrupsionit dhe Krimit të Organizuar (SPAK) ka bërë të ditur se deri tani nuk ka mbërritur asnjë kërkesë nga kryetari i Bashkisë së Tiranës, Erion Veliaj, për të marrë pjesë në mbledhjen e Këshillit Bashkiak.

“Në përgjigje të kërkesës suaj të mbërritur më datë 22.9.2025, ju informojmë se deri tani, në Prokurorinë e Posaçme kundër Korrupsionit dhe Krimit të Organizuar nuk është paraqitur asnjë kërkesë e tillë”, thuhet në përgjigjen e SPAK për Klan News.

Edhe Drejtoria e Përgjithshme e Burgjeve ka konfirmuar më herët se nuk është dorëzuar ndonjë kërkesë për leje të veçantë, që do t’i lejonte Veliajt të merrte pjesë në mbledhje.

Sipas parashikimeve ligjore, për personat në paraburgim miratimi i parë për çdo lëvizje jashtë institucionit jepet nga prokurori i çështjes, ndaj një procedurë e tillë nuk mund të zhvillohet pa kërkesë zyrtare