VIDEO/ Vëllezërit Bakaj rrahin LIVE ‘Fire-n’ e TikTok-ut

Sherret për shkak të ofendimeve në rrjetin social TikTok po bëhen gjithnjë e më të zakonshme, dhe situata më e fundit ka përfshirë dy boksierët e njohur shqiptar, vëllezërit Robert dhe Amarildo Bakaj.

Ata kanë dhunuar personazhin e njohur të TikTok-ut, të njohur me emrin “Fire”, i cili realisht quhet Xhemal Uka. Incidenti ndodhi ndërkohë që “Fire” ishte i “LIVE” në platformë, kur dy vëllezërit e goditën papritur. Shkak për këtë sulm janë bërë ofendimet e mëparshme të personazhit ndaj vëllezërve Bakaj.

Ende nuk ka më shumë informacion mbi pasojat e incidentit, por videoja e momentit po qarkullon masivisht në TikTok, duke u bërë virale dhe duke tërhequr reagime të shumta nga përdoruesit e rrjetit social.

Ky incident shton listën e sherrave që ndodhin live për arsye të ofendimeve online, duke treguar një fenomen shqetësues të dhunës virtuale që kalon në jetën reale.