Zbulohen emrat, kush ishin gjyqtarët që votuan Pro-Veliajt

Gjykata Kushtetuese ka vendosur në favor të Erion Veliajt, duke i dhënë atij të drejtën për të vijuar detyrën si kryetar i Bashkisë së Tiranës. Me këtë vendim, Gjykata ka shfuqizuar si të papajtueshëm me Kushtetutën edhe dekretin e Presidentit Bajram Begaj për mbajtjen e zgjedhjeve të pjesshme në kryeqytet.

Sipas burimeve nga trupa gjykuese, vendimi është marrë me shumicë votash 5 me 3, duke rrëzuar vendimin e mëparshëm të Këshillit të Ministrave, që kishte miratuar propozimin e Këshillit Bashkiak të Tiranës për shkarkimin e Veliajt.

Gjyqtarët që votuan pro kërkesës së Veliajt ishin:

• Marjana Semini

• Ilir Toska

• Sandër Beci

• Marsida Xhaferllari

• Fjona Papajorgji

Ndërsa kundër kërkesës kanë votuar gjyqtarët:

• Holta Zaçaj

• Sonila Bejtja

• Gent Ibrahimi

Me këtë vendim, Gjykata Kushtetuese mbyll një nga çështjet më të debatuara politike të muajve të fundit, duke rikthyer Erion Veliajn në detyrë dhe duke ndalur zhvillimin e zgjedhjeve të pjesshme për Bashkinë e Tiranës.