Zjarret gjatë verës, qeveria ‘hap thesin’ për 15 bashki të prekura

Ministria e Mbrojtjes ka bërë të ditur se mbi 345 milionë lekë do të akordohen si dëmshpërblim për 15 bashki të vendit, të cilat u prekën nga zjarret gjatë sezonit veror. Fondi synon të mbulojë dëmet e shkaktuara si pasojë e flakëve, kryesisht në prona, sipërfaqe pyjore dhe kullota.

Sipas ndarjes zyrtare të publikuar, bashkitë përfituese dhe shumat përkatëse janë si më poshtë:

• Krujë – 146 milionë lekë

• Gramsh – 86.6 milionë lekë

• Finiq – 40 milionë lekë

• Delvinë – 36 milionë lekë

• Dibër – 10.5 milionë lekë

• Dropull – 7.7 milionë lekë

• Malësi e Madhe – 6.6 milionë lekë

• Peqin – 4 milionë lekë

• Kamëz – 2 milionë lekë

• Rrogozhinë – 1.8 milionë lekë

• Maliq – 1.2 milionë lekë

• Has – 0.7 milionë lekë

• Kukës – 0.6 milionë lekë

• Tepelenë – 0.3 milionë lekë

• Librazhd – 0.2 milionë lekë

Ministria e Mbrojtjes thekson se fondet do të shpërndahen përmes procedurave ligjore përkatëse, ndërsa bashkitë do të kenë përgjegjësinë për përdorimin e tyre në funksion të rikuperimit të dëmeve të shkaktuara nga zjarret.