57-vjeçar bie në pranga, i akuzuar për përndjekje nga vajza 20-vjeçarej

Një 57-vjeçar u arrestua nga Policia e Tiranës i akuzuar për përndjekje nga një vajzë 20-vjeçare.

E reja i është drejtuar Komisariatit të Policisë Nr. 6 në kryeqytet, me kallëzim për personin i cili sipas saj i ishte kthyer në një burim shqetësimi të vazhdueshëm me përndjekjen që i bënte.

Si të mos mjaftonte fakti që ai e ndiqte këmba-këmbës, policia thotë se 57-vjeçari madje e ka shantazhuar të renë me qëllim kryerjen e marrëdhënieve seksuale.

NJOFTIMI 

Nga specialistët për Hetimin e Krimit në Komisariatin e Policisë Nr. 6 u bë arrestimi në flagrancë për veprën penale “Përndjekja”  i shtetasit P. B., 57 vjeç, pasi ka përndjekur dhe shantazhuar për të kryer marrëdhënie seksuale një shtetase 20-vjeçare.