Zbulohet skenari i Britanisë, do heqë lëvizjen dhe punësimin e lirë për qytetarët e BE, kush preket

Qeveria e Mbretërisë së Bashkuar do të heqë të drejtën e shtetasve të BE-së që të jetojnë dhe punojnë lirshëm në Mbretërinë e Bashkuar, në rast të një mosmarrëveshjeje të Brexit, deri më 31 tetor.

Ish- Kryeministrja, Theresa May, e kishte konsideruar shtrirjen e lirisë së lëvizjes deri në vitin 2021, ose lejimin e qytetarëve të BE-së të qëndrojnë për tre muaj para se të aplikonin për një qëndrim më të gjatë. Këto mundësi tani janë hequr, në favor të një qasjeje të re.

Kryeministri britanik, Boris Johnson, tha se Mbretëria e Bashkuar nuk do të bëhet armiqësore ndaj imigracionit, por imigrimi në Mbretërinë e Bashkuar do të kontrollohet në mënyrë demokratike. Grupi “Tre milionë”, i cili bën fushatë për të drejtat e qytetarëve të BE-së që jetojnë në Mbretërinë e Bashkuar, tha se “Përfundimi i lirisë së lëvizjes pa vendosur dispozitat ligjore për ata qytetarë të BE-së, të cilët ende nuk kanë aplikuar me sukses përmes skemës së zgjidhjes, do të nënkuptojë se miliona qytetarëve të ligjshëm do t’u hiqet statusi i tyre juridik brenda natës”.

Liria e lëvizjes u lejon qytetarëve të BE-së të jetojnë dhe punojnë në vendet e tjera të Bashkimit Europian. Në një deklaratë, Zyra e Punëve të Brendshme britanike tha se “Qytetarët e BE-së dhe familjet e tyre kanë kohë të paktën deri në dhjetor 2020 për të aplikuar në ‘Skemën e Zgjidhjes së BE-së’ dhe një milion njerëzve tashmë iu është dhënë statusi”.

Liria e lëvizjes do të përfundojë më 31 tetor, kur Mbretëria e Bashkuar do të largohet nga BE-ja nëse nuk arrihet një marrëveshje e re dhe pas Brexit, qeveria britanike e drejtuar nga Boris Johnson ka vendosur të prezantojë një sistem të ri, më të drejta të imigracionit që u jep përparësi aftësive dhe asaj që njerëzit mund të kontribuojnë në Mbretërinë e Bashkuar, në vend të marrjes parasysh të vendit se nga vijnë. Një zëdhënëse e “Downing Street” shtoi se do të ketë rregulla më të ashpra të kriminalitetit, për ata që duan të hyjnë në Mbretërinë e Bashkuar.

KUSH DO TË PREKET

Në një skenar pa marrëveshje, ata qytetarë të BE-së me të drejtën e qëndrimit të përhershëm në Mbretërinë e Bashkuar, e cila u jepet pasi të kenë jetuar në MB për pesë vjet, nuk duhet t’i shohin të preken të drejtat e tyre. Shtetasit e BE-së, të cilët tashmë janë në Mbretërinë e Bashkuar, mund të aplikojnë për statusin e vendosur ose statusin e paracaktuar në të njëjtën mënyrë si tani. Një fund i lirisë së lëvizjes nuk do të prekte ata qytetarë të BE-së që vijnë për pushime dhe udhëtime të shkurtra, por do të ndikonin tek ata që dëshirojnë të punojnë ose të studiojnë në Mbretërinë e Bashkuar.