Qeveri teknike në Shkup, deri në mbajtjen e zgjedhjeve të reja parlamentare

Lideri i LSDM-së, Zoran Zaev dhe ai i VMRO-së, Kristian Mickoski në mbledhjen e sotme të liderëve së bashku me partitë shqiptare, pritet të bien dakord për caktimin e datës së zgjedhjeve të parakohshme parlamentare. Ata do të merren vesh për formimin e një qeverie teknike në përputhje me Marrëveshjen e Przhinos, shkruan portali maqedonas “Sakam sa Kazam”.

Pasi Këshilli i Bashkimi Evropian nuk e caktoi një datë për bisedimet e pranimit të Maqedonisë në BE, të premten, Kryeministri Zoran Zaev dhe lideri i opozitës Hristijan Mickoski propozuan zgjedhje të shpejta të parakohshme, të cilat do të parapriheshin nga një qeveri teknike 100 ditë para se të mbaheshin.

Për zgjedhje të reja parlamentare janë shprehur të gatshme edhe partitë politike shqiptare.