Dy ditë pas vrasjes së ish-bashkëshortes dhe vëllait të saj, bëhet me dije se autori i krimit makabër Fatmir Koleci ka vrarë veten.
Nga burimet e para bëhet me dije se Koleci është vrarë në banesën e tij në fshatin Zejmen të Lezhës
Forcat të shumta policie shkuan në vendngjarje.
Koleci ishte dënuar më parë për dhunë në familje, dhe kishte vetëm pak ditë që kishte dalë nga burgu, kur shkoi në shtëpinë e ish-gruas për të marrë fëmijët.
Në debat e sipër, ai ka qëlluar me armë ish-kunatin, Vledison Filopati, dhe më pas ish-gruan Esmeralda Filopatin, nënë e tre vajzave.
Pas krimit të dyfishtë, ai është larguar ndërsa forcat e RENEA-s kishin informacione sot se ai ndodhej në shtëpinë e tij në Zejmen të Lezhës.
I rrethuar nga policia, mësohet se 47-vjeçari ka vrarë veten. Koleci e kishte tentuar edhe më parë vetëvrasjen, kur ishte në burg.
