Meta: Bullgaria streha e shumë patriotëve tanë, në luftën…
Presidenti Ilir Meta ka publikuar foto nga takimi miqësor që zhvilloi ditën e djeshme me homologun bullgar, Rumen Radev, me të cilin shihet duke ngritur një dolli, për “miqësinë e dy popujve”.
“Bullgaria ishte streha e sigurt e shumë patriotëve tanë gjatë Rilindjes Kombëtare në luftën për përhapjen e gjuhës shqipe dhe arritjen e Pavarësisë”, ka thënë Meta në postimin që ka bërë sot në rrjetin social ‘facebook’.
Sakaq më tej Meta thekson se e ardhmja e marrëdhënieve shqiptaro-bullgare duket plot shkëlqim e mirëbesim. “I lumtur të ngrija një dolli me Presidentin Radev për miqësinë e fortë të dy popujve tanë! Bullgaria ishte streha e sigurt e shumë patriotëve tanë gjatë Rilindjes Kombëtare në luftën për përhapjen e gjuhës shqipe dhe arritjen e Pavarësisë.
Në Sofje, Shahin Kolonja, Kristo Luarasi, Mithat Frashëri etj, në shtypshkronjën “Mbrothësia” botuan abetare pafund dhe gazetën “Drita” për t’i shpërndarë kudo në Atdhe me qëllim lartësimin e ndjenjave kombëtare dhe mobilizimin për kryengritjet finale që do sillnin Pavarësinë tonë në 28 nëntor 1912. Edhe e ardhmja e marrëdhënieve shqiptaro-bullgare duket plot shkëlqim e mirëbesim”, shkruan presidenti.
Keni një histori? Denonco anonimisht, identiteti juaj mbrohet.
Denonco
