Autoriteti Kombëtar i Ushqimit që prej tri ditësh është në vëzhgimin e subjekteve që merren me therjen e kafshëve dhe tregëtimin e mishit të tyre.
Në kuadër të kësaj pune gjatë inspektimit është deklaruar mbyllja e 28 pikave të therjes pasi nuk plotësonin kushtet higjeno-sanitare dhe detyrimet tjera të parashikuara në ligj edhe pse ishin të liçensuara.
Në Tiranë janë mbyllur tri pika therjeje, një punishte qoftesh dhe një pikë e tregtimit të mishit, si dhe një është paralajmëruar, 4 pika therjeje në Qarkun Gjirokastër, dy në Berat, dy në Dibër, 1 në Qarkun Elbasan dhe një subjekt është paralajmëruar, 4 në Qarkun Fier, 1 në Qarkun Lezhë, 1 në Qarkun Kukës, 1 në Shkodër, dhe 4 janë mbyllur nga Drejtoria Rajonale e e Qarkut Vlorë
Pas shqyrtimit të situatës janë vënë në pranga dy drejtorë të AKU-së të cilët akuzohen se kanë dhënë licensa për subjekte të cilat nuk përmbushnin kriteret bazë të therjes së kafshëve dhe tregëtimit të mishit. Është bërë e ditur se një rast i tillë është regjistruar në fshatin Baldushk.
