Doli për të gjuajtur oktapodë dhe u zhduk pa gjurmë

Ndërsa kërkimet vazhdojnë por nuk ka asnjë shenjë nga i riu, rrobat e të cilit u gjetën në breg pranë Currilave, xhaxhai i tij ka dhënë detaje në lidhje me ngjarjen.

Sipas Petrit Priftit, nipi i tij kishte shkuar më thellë se bashkëmoshatarët dhe më pas nuk ishte parë më.

Ai i bëri edhe thirrje kryeministrit Edi Rama:

“Do t’i bëja thirrje Edi Ramës. Nipi i shokut të babait të tij është në det. Të bëjmë të pamundurën ta gjejmë trupin. Ka vonesa, ka burokracira. Zvarritje. Nuk kanë ardhur në kohë. Na u premtua që do nisë kërkimi në 5 e gjysmë.”

Po ashtu, Prifti tha se edhe gjatë mbrëmjes pati kërkime, por trupi i tij nuk u gjet.

“Ka dy prindër të varfër, deti është i vështirë, të sposton”, u shpreh duke mos i mbajtur dot lotët xhaxhai i Silvit.

Tashmë kanë kaluar thuajse 24 orë nga zhdukja e 32-vjeçarit, dhe trupi i tij nuk është gjendur ende.