Nga sot hyjnë në fuqi masat e reja anti-Covid.

Duke nisur nga dita e sotme në vendin tonë hyjnë në fuqi të tjera masa lehtësuese. Kështu, sipas Komitetit të Ekspertëve, ora policore shtyhet me një orë, nga 00:00, deri në orën 06:00. Ndërkohë, orari për lejimin e muzikës nëpër lokale do të ngelet po i njëjti, ora 22:00.

Po ashtu lejohen kampionatet sportive me prezencë të tifozëve me kapacitete të reduktuara deri në 30% sipas protokollit të IShP.

Lejohen gjithashtu aktivitetet e teatrove, shfaqjeve artistike dhe kulturore, konferencave, me kapacitet të reduktuar deri në 30% të spektatorëve apo pjesëmarrësve, sipas protokolleve të IShP.

Lehtësimi i këtyre masave u bë pas uljes së shifrave të koronavirusit në vend. Prej disa javësh vendi ynë raporton raste të paktë të personave të infektuar me Covid.