Protestuesit bllokojnë superjahtin e oligarkut rus të sanksionuar në Turqi

Superjahti i oligarkut rus të sanksionuar, Roman Abramovich, është ankoruar në vendpushimin e Bodrum të Turqisë, në Detin Egje. Por duket se kjo nuk është pritur mirë nga disa njerëz, të cilët kanë dalë të protestojnë.

“Daily Mail” shkruan se protestuesit kanë hipur në disa gomone të vogla dhe kanë dalë përpara jahtit super luksoz. Ata mbanin me vete flamurin ukrainas dhe kishin të shkruar: “Jo luftë”.

Nuk dihej nëse Abramovich ishte në bordin e jahtit apo nëse ai është zhvendosur përfundimisht në Turqi, për të shmangur sanksionet. Javën e kaluar, Bashkimi Evropian vendosi sanksione ndaj Roman, pasi përditësoi një listë të individëve që përballen me ngrirjen e aseteve dhe ndalimin e udhëtimit për lidhjet e tyre me qeverinë e presidentit të Rusisë, Vladimir Putin, i cili ka dërguar ushtrinë ruse për të pushtuar Ukrainën.

Mali i Zi nuk është në BE, megjithëse pritet të anëtarësohet në vitin 2025, e për këtë arsye porti i Tivatit po përdoret nga disa pronarë rusë të superjahteve.

Nga ana tjetër, Turqia e cila është anëtare e NATO-S, ka lidhje të ngushta me Rusinë dhe Ukrainën. Ajo ka kritikuar pushtimin e Ukrainës nga Moska, por gjithashtu e ka pozicionuar veten si një palë neutrale që përpiqet të ndërmjetësojë mes të dyjave.