Publikohet raporti: CEO i Tesla-s bisedoi me Putinin përpara publikimit! Ja kërkesat e Presidentit rus

Disa ditë më parë, multimiliarderi Elon Musk postoi në profilin e tij në Twitter një plan me 4 pika që sipas tij do t’i jepte fund luftës.

Ndërkohë ditën e sotme, një raport i publikuar në mediat ndërkombëtare tregon se Musk ka zhvilluar një bisedë me Presidentin Vladimir Putin përpara se të bënte postimin e tij në Tëitter.

CEO i kompanisë Euroasia Group, i ka dërguar një e-mail klientëve të tij, ku tregon bisedën që ai kishte zhvilluar me Elon Musk, lidhur me këtë çështje.

Sipas tij, Elon Musk ka deklaruar se Putin është i gatshëm që të negociojë paqen, por vetëm nëse Krimea do të qëndrojë si pjesë e Rusisë dhe vetëm nëse Ukraina do të pranojë që të qëndrojë si një vend neutral. Gjithashtu, sipas raportit, Putin ka kërkuar edhe njohjen e 4 rajoneve të aneksuara në Ukrainë.

Sipas Bremmer, Musk tha se Putini i tha atij se këto qëllime do të arriheshin “pa marrë parasysh asgjë”, duke përfshirë potencialin e një sulmi bërthamor nëse Ukraina pushton Krimenë, të cilën Rusia e aneksoi në 2014. Bremmer shkroi se Musk i tha atij se “gjithçka duhej të bëhej për të shmangur atë rezultat.”

Javën e kaluar, Musk postoi në thelb të njëjtat pika në Twitter, megjithëse ai sugjeroi që referendumet në territoret e aneksuara të goditura si vota të rreme nga Ukraina dhe Perëndimi të ribëheshin nën mbikëqyrjen e Kombeve të Bashkuara.

Postimi i Elon Musk:

Paqja Ukrainë-Rusi:

– Të rizhvillohen referendumet e rajoneve të aneksuara nën mbikëqyrjen e OKB-së. Rusia largohet nëse ky është vullneti i popullit.

– Krimea zyrtarisht pjesë e Rusisë, siç ka qenë që nga viti 1783 (deri në gabimin e Hrushovit).

– Të sigurohet furnizimi me ujë në zonën e Krimesë

– Ukraina të qëndrojë shtet neutral