Shifrat e Bankës Botërore, PL: 81% e qytetarëve në Shqipëri jetojnë në varfëri. Çdo njeri duhet të alarmohet nga kjo situatë

Petraq Milo, sekretar për Çështjet Ekonomike dhe Financave ka reaguar pas vlerësimit të Bankës Botërore për kufirin e ri të varfërisë.

Milo shkruan se bazë të kufijve të rinj, është rritur përqindja e popullatës që jeton në varfëri në Shqipëri.

“Gjithsej, 81% e banorëve në Shqipëri jeton në varfëri! Ky është alarmi i shifrave që duhet të alarmojë çdo njeri”, shkruan ai.

Statusi i plotë i Milos

Banka Botërore ka vlerësuar kufirin e ri të varfërisë, duke e rritur atë në 2.15$ në ditë për varfërinë ekstreme, si dhe 6.85$ në ditë për varfërinë absolute.

Në bazë të këtyre kufijve të rinj, është rritur drastikisht përqindja e popullatës që jeton në varfëri në Shqipëri.

Vlerësohet që deri në 10% e popullatës jeton në varfëri ekstreme, me më pak se 2.15 dollarë në ditë.

Ndërsa, deri në 65% e popullatës jeton nën kufirin e varfërisë absolute prej 6.85$ në ditë, dhe 6% jeton në kufijtë e varfërisë absolute.

Gjithsej, 81% e banorëve në Shqipëri jeton në varfëri! Ky është alarmi i shifrave që duhet të alarmojë çdo njeri.

Minimalisht qeveria duhet të kishte objektiv nxjerrjen e 10% të popullatës nga varfëria ekstreme