Shkolla pa ngrohje, nxënësit e gjimnazit në Gjirokastër dalin në protestë

Sot, nxënësit e gjimnazit “Siri Shapllo” në Gjirokastër, kanë dalë në protestë. Konkretisht vitet e dyta dhe të para, kanë protestuar pasi nuk kanë sitëm ngrohje në klasa. Sipas nxënësve, lagështia në ambient është bërë tepër e rrezikshme, ndërsa theksojnë se këtë vit shkollor, deri tani kanë zhvilluar mësim në klasa me temperatura të ulëta.

“Lagështia ka avancuar nëpër klasa, kemi vetëm ngrohjet që kemi blerë vetë. Këtë vit është përkeqësuar. Jemi dhjetëra nxënës, të tjerët mundohen të gjejnë ambientet e ngrohta. Kushtet janë bërë shumë të vështira, ne po e bëjmë këtë për kushte më të mira. Kaldajat ndizen deri nga ora 10:00.” tha një nga nxënëset.

“Në katin e tretë shumica e klasave janë jashtë përdorimit. Mund të kenë ngelur shumë pak klasa të prekura pak ose të paprekura fare. Shumë prej nesh jemi detyruar të ndërrojmë kalsat për shkak të klagështirës. Para vitit të ri erdhën dhe rregulluan se gjendja ishte shumë keq. Por pas rregullimit, u bë akoma dhe më keq,” tha një nxënëse e kësaj shkolle.