FIER/ Policia sekuestron një arsenal armësh, arrestohet 30-vjeçari

Një 30 vjeçar është arrestuar nga policia e Fierit, pasi u kap me një arsenal armësh. Në kuadër të operacionit të koduar “Risku” në pranga u vu shtetasi Vjoni Gjoka, i cili i kishte fshehur në një ambient armët.

Blute e Fierit thone se 30 vjecarit i eshte sekuestruar 1 mitraloz të lehtë me fishekë në fole, 20 krehra armësh zjarri pistoletë, të ndryshme; 1krëhër automatiku; 2 bomba dore por edhe pajisje te tjera.

Njoftimi i policise

Shërbimet e Komisariatit të Policisë Fier gjejnë dhe sekuestrojnë 1 tjetër arsenal armësh zjarri.

Pas një pune të mirëfilltë hetimore, në bazë të informacioneve të siguruara nga inteligjenca policore, shërbimet e Policisë zbuluan një vend në të cilin 30-vjeçari i arrestuar gjatë operacionit të koduar “Risku”, kishte fshehur një arsenal tjetër armësh.

Në një ambient në pronësi të këtij shtetasi, Policia gjeti dhe sekuestroi në cilësinë e provës materiale:

-1 mitraloz të lehtë me fishekë në fole;

-20 krehra armësh zjarri pistoletë, të ndryshme;

-1krëhër automatiku;

-2 bomba dore (granata difensive);

-1 sasi të madhe municioni të kalibrave të ndryshëm;

-1 sasi fishekësh pistolete, të prodhuar në mënyrë artizanale;

-1 pistoletë gjurmëlënëse;

-2 radio si të Policisë;

-3 krehra disk për mitralozë të lehtë;

-5 celularë;

-1 GPS.

Më herët, 30-vjeçarit, Policia i gjeti dhe sekuestroi 2 armë zjarri pistoleta dhe municion luftarak.

Marerialet procedurale shtesë i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.