Gruaja e dytë në krye të një komisariati në vend

Kryekomisarja Nertila Meta është emëruar në krye të Komisariatit të Policisë Librazhd, duke zëvendësuar Elton Halilin, i cili transferohet si shef komisariati në Bulqizë.

Meta ka një karrierë të gjatë në strukturat e rendit dhe më parë ka shërbyer në Drejtorinë e Përgjithshme të Policisë së Shtetit si specialiste për çështjet e dhunës në familje. Emërimi i saj në këtë pozicion drejtues vlerësohet si një hap domethënës për rritjen e përfaqësimit të grave në nivelet e larta të Policisë së Shtetit.

Me këtë vendim, Nertila Meta bëhet gruaja e dytë në Shqipëri që merr drejtimin e një komisariati policie, duke shënuar një tjetër moment të rëndësishëm në procesin e barazisë gjinore brenda strukturave të sigurisë.