Berisha i tërheq ‘veshin’ Salianjit dhe Alimehmetit nga Mirdita

Kryetari i Partisë Demokratike, Sali Berisha, gjatë një takimi në Mirditë, foli për procesin e ripërtëritjes së partisë dhe dha një mesazh të drejtëpërdrejtë për Ervin Salianjin dhe Ilir Alimehmetin, të cilët kanë nisur një tur paralel takimesh me bazën.

Berisha theksoi se çdo demokrat ka të drejtë të shprehë lirisht mendimet, kritikat dhe propozimet, por kjo duhet të bëhet brenda forumeve të partisë, duke theksuar se PD është forcë e fjalës së lirë, por edhe e rregullave të përbashkëta.

Ai u shpreh se procesi i ripërtëritjes së partisë duhet të jetë i përbashkët dhe se listat duhet të ndërtohen nga baza, jo nga Tirana, duke bërë thirrje për më shumë angazhim dhe përfshirje të figurave me vlera.

Në fund, Berisha paralajmëroi se vendi rrezikon “shuarjen si komb” nëse nuk merren masa urgjente.

Ndërkohë, Ervin Salianji dhe Ilir Alimehmeti, të dy ndër më të votuarit në zgjedhjet e 11 Majit, kanë nisur një tur takimesh me demokratët nëpër qytete, duke kërkuar hapjen dhe rigjallërimin e PD-së.