Gazetarja Jonida Shehu merr postin e rëndësishëm nga Edi Rama

Gazetarja e njohur Jonida Shehu ka nisur një etapë të re në karrierën e saj profesionale.

Pas një përvoje të gjatë në media, si gazetare dhe moderatore, Shehu është emëruar këshilltare për mediat në Kryeministri.

Emërimi i saj u bë publik këtë të hënë gjatë mbledhjes së Grupit Parlamentar të Partisë Socialiste, e zhvilluar në ambientet e Kryesisë së Kuvendit.

Mbledhja nisi në orën 11:15 dhe njoftimi u bë nga kryetari i Grupit Parlamentar të PS-së, Taulant Balla, i cili prezantoi zyrtarisht rolin e ri të Jonida Shehut në strukturat e komunikimit të Kryeministrisë.

Ky hap shënon kalimin e saj nga media në administratën publike, në një funksion kyç që lidhet me menaxhimin e marrëdhënieve me mediat dhe komunikimin institucional.