“Ke marrë si pushka e jevgut”, Arbana Osmani akuzohet për racizëm

Arbana Osmani është vënë në qendër të kritikave në rrjetet sociale pas një deklarate të bërë gjatë transmetimit të fundit të Ferma VIP.

Gjatë një bisede me konkurrentin Akil Varfi, lidhur me debatet në shtëpi, moderatorja përdori një shprehje që u konsiderua e papërshtatshme nga një pjesë e publikut. Menjëherë pas kësaj, reagimet në rrjetet sociale ishin të shumta, ku përdoruesit kritikuan përdorimin e termave që perceptohen si përçmues ndaj një komuniteti.

Në komentet online, shumë ndjekës kërkuan më shumë kujdes në gjuhën publike, duke theksuar rëndësinë e shmangies së shprehjeve që mund të interpretohen si diskriminuese, veçanërisht në një platformë me audiencë të gjerë.

Pas reagimeve, Arbana Osmani bëri një reagim të shpejtë publik, duke kërkuar ndjesë për përdorimin e shprehjes. Ajo sqaroi se nuk kishte asnjë qëllim ofendues dhe theksoi se qëndrimet e saj nuk përputhen me diskriminimin apo paragjykimet.

Ngjarja ka rihapur diskutimin mbi përgjegjësinë e figurave publike në përdorimin e gjuhës dhe ndikimin që deklaratat e tyre mund të kenë në opinionin publik.