Deklarata e fortë: Sali Berisha nuk është më non-grata nga SHBA!

Gazetari Çim Peka ka bërë një deklaratë të fortë në rrjetet sociale, ku pretendon se kreu i Partisë Demokratike, Sali Berisha, nuk figuron më në listën e personave të sanksionuar nga Shtetet e Bashkuara të Amerikës.

Përmes një postimi të publikuar në rrjetet sociale, Peka shprehet se autoritetet amerikane kanë njoftuar zyrtarisht se Berisha nuk është më subjekt i statusit “non grata”, duke e cilësuar këtë si një zhvillim me rëndësi politike.

Ai nuk ka dhënë detaje të mëtejshme mbi burimin e informacionit apo dokumentacionin që mbështet këtë pretendim, por ka paralajmëruar se do të ketë informacione të tjera në vijim.

Deklarata e tij vjen në një moment kur çështja e shpalljes “non grata” të ish-kryeministrit Sali Berisha nga SHBA ka qenë një nga temat më të debatuara në politikën shqiptare gjatë viteve të fundit.

Në postimin e tij, Çim Peka shkruan:

“Zyrtare, Sali Berisha nuk eshte me i sanksionuar. SHBA e njofton zyrtarisht qe nuk eshte me nongrata. E drejta zhytet por nuk mbytet!

Rrini te vemendshem per me shume ne vazhdim.”